تاند: ( چار شنبه، د سرطان ۲۸ مه) د ننګرهار لپاره د طالبانو د رژيم چارواکو ویلي، چې په تورخم کې یې د قيمتي ډبرو د قاچاق مخنيوی کړی.
د طالبانو د رژیم ولایتي ادارې په یوه اعلامیه کې ویلي، چې په يو بار وړونکي موټر کې یې د بېلابېل ډوله قيمتي ډبرو ۲.۶۵ کيلو ګرامه سمپلونه نيولي دي، چې پاکستان ته قاچاق کېدل.
سرچینه زیاتوي:په نيول شويو قيمتي ډبرو کې ياقوت، بيروج، آفګینت او فرورایټ شامل دي.
طالبانو په دې اړه نور جزیات نه دي ورکړي.
څو ورځې مخکې له تورخم څخه د افغانستان د یو موټر تاریخي اثارو د قاچاق د مخنیوي خبر هم ورکړل شوی و.