تاند: ( سې شنبه، د سرطان ۲۷ مه) د جرمني په هامبورګ ښار کې یو افغان پولیسو په دې شک، چې د برید پلان لري، نیولی دی.
د دغه کس نوم حفیظ اعلان شوی او ویل شوي، چې ورسره په کڅوړه کې دوه تورې، څو چاقوګانې، یوه تبر او برقي چاقو موندل شوي دي.
د یاد شوي کس په اړه نور جزیات نه دي په ډاګه شوي.
معلومه نه ده، چې حفیظ نومی افغان له وړاندې په جرمني کې و، که د جمهوري نظام له سقوط وروسته دغه هېواد ته کډوال شوی.
جرمني څه موده مخکې د امنیتي اندیښنو له امله، له افغانستان څخه د پناه غوښتونکو د قضیو څېړل ځنډولي وو.