تاند: ( سې شنبه، د سرطان ۲۰ مه) د پښتونخوا په صوابۍ کې یوه ۶ کلنه نجلۍ تر هغې وروسته حلاله شوې، چې ورباندې د کیدونکي جنسي تېري له هڅې د تېښتې په حال کې وه.
یوه ځایي پولیس مشر منظور ویلي، چې دا پېښه وړمه ورځ دصوابۍ دسلیم خان سیمې په کګیچ بانډه کې شوې ده.
هغه وایي د امن په نوم یوه ۱۶ کلن زلمي د سیمې پر یوې بېوزلې نجلۍ د جنسي تېري له ناکامې هڅې وروسته هغه په چاړه حلاله کړې او اوس یې پر خپل جرم اعتراف کړی.
د حلال شوې ماشومې پلار فدا محمد ویلي، چې لور یې د یکشنبې ورځې په ماښام کور نه د لوبو لپاره وتې وه، چې بیرته ستنه نه شوه او مړی یې له یوې حجرې ترلاسه شو.
د بشري حقونو فعالان د پاکستان تر واک لاندې سیمو کې پر ماشومانو د جنسي تيري پېښې تر پخوا ۳۰ سلنه زیاتې شوې بولي.
قصاص کی ژوند دی.