تاند: ( دو شنبه، د سرطان ۱۹) د هلمند په ګرشک ولسوالۍ کې د دوو تښتول شویو ماشومانو جسدونه موندل شوي دي.
ځايي طالب چارواکو ويلي، چې دغه ماشومان درې ورځي وړاندي تښتول شوي وو.
د دوی په وینا، تښتونکو د دغو ماشومانو له کورنيو څخه د هغوی د خوشې کولو په بدل کې د د درې میلیونه افغانیو غوښتنه کړې وه.
د طالب چارواکو د معلوماتو له مخې، د پیښي په تړاوو دوه کسان نیول شوي دي.
ځایي اوسیدونکو رسنيو ته ويلي، چې تښتونکو ماشومان په بې رحمۍ سره وژلي او وروسته یې د اوبو په یوه څاه کې غورځولي وو.
پرون په کندهار ولایت کې د يوه سپين ږيري جسد موندل شوی و، چې نیمايي حیواناتو خوړلی و.
د فقر او اقتصادي ناورين شدت په وروستيو کې د داسې پېښو د زیاتېدو اصلي لاملونه ګڼل کېږي، خو طالب چارواکي پر دغه ناورين منکر دي او ادعا کوي، چې د اقتصادي ناورين په اړه بهرنيان بې ځايه تب
لیغات کوي.