تاند: ( دوشنبه، د سرطان دولسمه) د ایران د نشه يي توکو پر وړاندې د مبارزې د مرکز عمومي منشي اسکندر مومني په افغانستان کې د نشه يي توکو د تولید د کموالي په اړه غبرګون ښودلی.
نوموړي په تازه څرګندونو کې ویلي، موږ د هغوی [طالبانو] له اعلامیو او دریځونو سره هیڅ تړاو نه لرو، باید په عمل کې وګورو چې په افغانستان کې د نشه يي توکو تولید کم شوی دی.
مومني په یوه ټلویزیوني خپرونه کې وویل: په ریښتیا چې په تیرو دوو کلونو کې د صنعتي مخدره موادو تولید او قاچاق څو چنده شوی، چې په هیڅ صورت مناسب نه دی، موږ باید په عمل کې وګورو، چې بیه راټیټه شوې ده، د دې پر ځای چې د دود په کمولو، د دود د کمولو پر ځای یو ځل بیا یو صنعت اضافه کړي، چې مخ په خرابیدو دی.
تېره اوونۍ د ملګرو ملتونو د نشه يي توکو د نړیوال سازمان ۲۰۲۳ راپور تایید کړه، چې په ۲۰۲۳ کال کې په افغانستان کې د کوکنارو په کښت کې د پام وړ کموالی راغلی، خو زیاته کړې یې ده چې افغانستان په نړۍ کې د هیروینو او صنعتي نشهيي توکو یو له “لوی” تولیدونکو څخه دی چې ډېری یې بهرنیو هېوادونو ته صادرېږي.
مومني وویل، که د خپل هېواد او افغانستان تر منځ د پولې په اوږدو کې دیوال جوړ کړو، د خلاصون لاره نه لرو او باید د اعتیاد مخنیوي ته لومړیتوب ورکړو.
هغه زیاته کړه، “د ایران په خارجي پولو کې د مخدره توکو بیه په افغانستان کې د هغې بیې لس برابره ده، چې دا ښیي چې ایران د مخدره موادو د قاچاق وړونکو لپاره خوندي نه دی.”
هغه دا هم وویل چې په ایران کې د صنعتي مخدره توکو تولید “صفر ته نږدې” دی او دا چې ایران په ټول توان سره د صنعتي مخدره توکو سره مبارزه کوي.
په افغانستان کې د نیشه یي توکیو د کمیدو او زیاتیدو په اړه په وروستیو کې بېلابېل راپورونه ورکړل شوي.
طالبان ټینګار کوي، چې د دغو توکیو کښت او قاچاق خورا کم شوی.
ایران غ.. خوري