تاند: ( یکشنبه، د سرطان یوولسمه)  د طالبانو یو مشهور مطبوعاتي مبلغ، چې د « جنرال مبین» په نوم پېژندل کیږي، هېواد پریښودو ته د مجبوریدو خبر ورکړی.

نوموړي په یوه ټویټ کې طالب مشران تورن کړي، چې نور له دې نړۍ او امکاناتو یې فاصلې اخیستو ته هڅوي، خو ځانته شیش محل جوړوي.

مبین دا شکایت هم کړی، چې طالب مشران خپل ملاتړي د کړې جګړې لپاره د خدای د رضا په ترلاسه کولو مطمینوي، خو خپل زامن او کورنۍ غړي پر دندو ګوماري او ده ته پر خپلو« خیانتونو» د خولې پټ ساتلو ګواښونه کوي.

سرچینه زیاتوي، چې همدغو طالب مشرانو پرون په کړو څرګندونو او کړنو اتل بللی،خو نن چې د هغوی کړنې نقدوي، لېونی یې بولي او ګڼې ستونزې یې ورته جوړې کړي دي.

مبین د خپلو خبرو په پای کې ویلي، چې هېواد پریښودو ته اړ شوی، خو نور جزیات یې نه دي ورکړي.

نوموړی، چې په ټولنیزو رسنیو کې یې د طالبانو په ملاتړ او د دوی د مخالفانو په سپکولو خورا شهرت درلود، د طالبانو له بیا واکمنیدو سره څو میاشتې د کابل د امنیې قومندانۍ ویاند ټاکل شوی و.

مبین، په ځلونو – ځلونو د طالبانو له لوري په نامعلوم دلیل بندي شو، چې په وروستي ځل له اختره څو ورځې مخکې په ضمانت یې د خوشې کیدو خبر ورکړل شو.

تاند: ( یکشنبه، د سرطان یوولسمه)  د طالبانو یو مشهور مطبوعاتي مبلغ، چې د « جنرال مبین» په نوم پېژندل کیږي، هېواد پریښودو ته د مجبوریدو خبر ورکړی.

نوموړي په یوه ټویټ کې طالب مشران تورن کړي، چې نور له دې نړۍ او امکاناتو یې فاصلې اخیستو ته هڅوي، خو ځانته شیش محل جوړوي.

مبین دا شکایت هم کړی، چې طالب مشران خپل ملاتړي د کړې جګړې لپاره د خدای د رضا په ترلاسه کولو مطمینوي، خو خپل زامن او کورنۍ غړي پر دندو ګوماري او ده ته پر خپلو« خیانتونو» د خولې پټ ساتلو ګواښونه کوي.

سرچینه زیاتوي، چې همدغو طالب مشرانو پرون په کړو څرګندونو او کړنو اتل بللی،خو نن چې د هغوی کړنې نقدوي، لېونی یې بولي او ګڼې ستونزې یې ورته جوړې کړي دي.

مبین د خپلو خبرو په پای کې ویلي، چې هېواد پریښودو ته اړ شوی، خو نور جزیات یې نه دي ورکړي.

نوموړی، چې په ټولنیزو رسنیو کې یې د طالبانو په ملاتړ او د دوی د مخالفانو په سپکولو خورا شهرت درلود، د طالبانو له بیا واکمنیدو سره څو میاشتې د کابل د امنیې قومندانۍ ویاند ټاکل شوی و.

مبین، په ځلونو – ځلونو د طالبانو له لوري په نامعلوم دلیل بندي شو، چې په وروستي ځل له اختره څو ورځې مخکې په ضمانت یې د خوشې کیدو خبر ورکړل شو.

د طالبانو منتقدان وایي، چې دوی لږ ترلږه په خپلو لیکو کې هم د بیان ازادي نه شي زغملای او خپل منتقدان ځپي، خو د مبین مخالفان بیا نوموړی د طالبانو په لیکه کې په ناوړه کړنو، باج اخیستو او نورو جرمونو تورنوي، خو هغه دا تورونه رد کړي دي.

د طالبانو منتقدان وایي، چې دوی لږ ترلږه په خپلو لیکو کې هم د بیان ازادي نه شي زغملای او خپل منتقدان ځپي، خو د مبین مخالفان بیا نوموړی د طالبانو په لیکه کې په ناوړه کړنو، باج اخیستو او نورو جرمونو تورنوي، خو هغه دا تورونه رد کړي دي.