تاند:( دو شنبه ، د جوزا ۲۹ مه ) په کابل کې د ایران سفیر “حسن کاظمی قمي” د افغانستان د ریل پټلۍ ادارې لپاره د طالبانو د رژيم مشر “بخت الرحمن شرافت” سره د ریل پټلۍ د همکاریو د زیاتولو په اړه خبرې اترې وکړې.
د ایران د سفارت په خپره شوې خبرپاڼه کې راغلي، چې په دې خبرو کې د خواف – هرات د اورګاډي د پټلۍ د غځولو، د لارې د بشپړولو او دوام او د تعلیمي، تخنیکي او تجهیزاتو د همکاریو په اړه خبرې وشوې.
د ایران سفارت په دې اړه نور جزیات نه دي ورکړي.
ایران او د سیمې نور هېوادونه، چې ظاهراً د طالبانو ملاتړي دي، څارونکي یې د دوی رژیم سره د مرستو ژمنې تر ډېره ناڅيزه او سمبولیکې بولي.