تاند:(یکشنبه، د جوزا ۱۴ مه ) د بښنې نړیوال سازمان وایي افغان ښځې له ټولنې ایستل شوي او طالبان باید د دې کار مسوول وګڼل شي.
دغه سازمان زیاته کړې، چې په افغانستان کې ښځې تل د جنسیت له امله ځورول کیږي، ځورول کیږي او حتی شکنجه کیږي، چې غږ یې غلی کیږي.
د بښنې نړیوال سازمان د نړۍ له هېوادونو وغوښتل چې د دې ټولنې د وضعیت د ښه کېدو لپاره د افغانستان د ښځو تر څنګ ودرېږي.
له شپږم ټولګي پورته له زده کړو، کار، ټولنیزو فعالیتونو محرومیت، د حجاب، بې محرمه نه ګرځیدو او ورته نورو نومونو قیودات د افغان ښځو له هغو جدي ستونزو ګڼل کیږي، چې د طالبانو له بیا واکمنیدو سره اضافه شوي.
طالبان بیا ادعا لري، چې دا بندیزونه یې د اسلامي شریعت د تطبیق لپاره دي، خو د نا لیدل شوي مشر ملا هبت الله په ګډون یې هیڅ مشر افغان ښځو او دیني عالمانو سره د خپلو دغو بندیزونو د اسلامي توجیهاتو لپاره مناظرو ته نه دي حاضر شوي.