تاند:(یکشنبه، د جوزا ۷ مه) هندوستان له خپل تعلیمي نصاب څخه د پاکستان د ملي شاعر محمد اقبال لاهوري مضمون ایستی.
پاکستاني لیکوالو په دې اړه غبرګون ښودلی او ویلي، چې اقبال لاهوری یوازې د پاکستان نه؛ بلکې د سیمې په کچه شاعر و.
د اسلام اباد د علي جناح پوهنتون د پاکستان د مطالعاتو مشر ډاکټر حنیف خلیل ویلي، چې د هندوستان دا کار خپله هندي زده کوونکو او محصلانو ته تاوان رسوي.
د حنیف خلیل په وینا، هغه هېواد باید وویاړي چې د اقبال لاهوري افکار خپلو محصلانو ته تدریسوي.
ځینې نور شنونکي باور لري، چې اقبال لاهوری له پاکستان سره د تړاو قرباني دی، كنه شاعري یې شرخوښې نه وه او نور هېوادونه هم علاقه ورسره لري.
له بلې خوا اقبال هغه مهال زېږېدلی چې پاکستان لا جوړ شوی نه و او د پاکستان تر جوړېدو مخکې وقات شوی دی. اقبال هیڅ ځای د پاکستان نوم نه دی یاد کړی.
خبره خو دا ده چی د کال موسمونه او فصلونه دورانی او تناوبی دی خو سیاسی – اجتماعی حالتونه معمولاً تناوب نلری او په ندرت داسی پیښیږی چی یوه پدیده بیا تکرار سی.
د څو لسیزو په اوږدو کی ” هند ” ځانته یو منلی او تر ډیره ښکلی دریځ درلود ( حد اقل زموږ د هیواد په وړاندی) امّا هند هم امریکی او روسئی غوندی د مذهبی روحیاتو سره خپله فاصله لنډه کړیده البته د روسیانو مذهبی اووښتون زموږ د سیمی د سیاسی او مذهبی او اقتصادی سمون سره مرسته کولای سی خو د هندیانو او امریکائیانو ( خصوصاً نئو انجیلانو او محافظه کارانو ) مذهبی روحیه د اسلام او عربو د هر اړخیزو ګټو خلاف ښکاری.
نو
منظور می دا دی چی :
دا به یوه ډیره احمقانه او دښمنانه کړنه وی که هندیانو د هندوئیزم د پلیدی ایډیولوژی پر بنسټ په خپل تعلیمی نصاب کی د اقبال لاهوری پر معنوی شتون بندیز لګولی وی. البته غرب هم دا ډول ظالمانه کړنه د روسیانو پر فرهنګی شخصیتونو تحمیل کړیده ( د اوکراین د جګړی په پلمه ).