جمعه, مارچ 29, 2024
Homeخبرونهد نیمروز په پوله کې د افغان او ایراني ځواکونو ترمنځ نښته...

د نیمروز په پوله کې د افغان او ایراني ځواکونو ترمنځ نښته پیل شوې

تاند(شنبه، د جوزا ۶مه) راپورونه وايي چې له ایران سره د افغانستان د نیمروز پولې په اوږدو کې د ایراني پوله ساتو او افغان طالبانو ترمنځ له نن سهار راهیسې جګړه پیل شوې ده.

د ایران فارس خبري اژانس، چې د دغه هیواد په سپاه پاسداران پورې اړوند دی، ویلي چې نښته د ساسولي پوستې په شاوخوا کې پیل شوې او لا هم دوام لري.

تراوسه پورې د افغانستان او ایران کوم رسمي چارواکي د دې پېښې په اړه څه نه دي ویلي خو په سپاه پاسداران پورې اړوندو شبکو په ټولنیزو رسنیو کې د نښتې خبرونه او ویدیوګانې خپرې کړي دي.

د سپاه پاسدران سایبري ځواک نن (شنبې) په ټیلګرام کې د نښتې ویدیو خپره کړې او ویلي چې دا ویدیو د دواړو خواوو ترمنځ د ډزو تبادله ښيي.

دې شبکې تېره اوونۍ هم د افغان طالبانو او ایراني پوله ساتو ترمنځ د شخړې ویدیو خپره کړې وه او لیکلي و چې دا لانجه په سرجدي سیمه کې د استحکاماتو د نصبولو په ترڅ کې رامنځته شوې ده.

د نیمروز په پوله کې نښته په داسې وخت کې کېږي چې د ایران سیستان او بلوچستان ولایت ته د دغه هیواد د ولسمشر ابراهیم رييسي له سفر او د هلمند سین په اړه له توندو څرګندونو وروسته د دوو خواوو ترمنځ لفطي ناندرۍ زیاتې شوي دي.

LEAVE A REPLY

Please enter your comment!
Please enter your name here

- Advertisment -

ادب