چهارشنبه, جولای 24, 2024
Homeخبرونهاقتصادي خبرونهافغانستان تېرکال د نیږدې ۲ میلیارده ډالرو مېوه او سبزي صادره کړې...

افغانستان تېرکال د نیږدې ۲ میلیارده ډالرو مېوه او سبزي صادره کړې ده

تاند:( یکشنبه ، د غویي ۳۱ مه  )   د افغانستان د سوداګرۍ او پانګونې خونې مسئولين وايي ،چې د تېر کال پر مهال يې د څه باندې يو ميليارډ ډالرو په ارزښت مېوې او سبزيجات بهر ته صادر کړي دي.

د یادې خونې رئيس يونس مومند وايي، چې افغانستان تېر کال د يو ميليارډ او ۸۶۵ ميليونه ډالرو په ارزښت صادرات کړي چې ۸۵سلنه زياتوالي ښيي.

نوموړي وويل: (( د صادراتو برخه کې ستونزې حل شوي او صادرات مو زيات شوي دي. تېر کال مو ۷۰۰زره ټنه مېوې او سبزيجات بهر ته صادر کړي چې د تېرو کلونو په پرتله لوړوالي ښيي.))

په ورته وخت کې يوشمېر سوداګر غوښتنه کوي، چې د سړو خونو په جوړولو او د هوا له لارې د صادراتو لپاره د زمينې په برابرولو سره د توکو د صادرولو کچه له دې هم لوړه کړي.

د افغانستان د سوداګرۍ او پانګونې خونې مسئولين زياتوي ،چې تېر کال زياتره صادرات د ځمکې او هوا له لارې ګاونډيو هيوادونو ته شوي او د زياتولو لپاره يې هڅې لاهم دوام لري.

LEAVE A REPLY

Please enter your comment!
Please enter your name here

- Advertisment -

ادب