تاند:( شنبه ، د غویي ۲۳ ) د امریکا د استازو د جرګې د بهرنیو اړیکو د کمېټې مشر “مایکل مکېل” د دغه هېواد له استازو وغوښتل چې افغان ښځو سره د طالبانو د روان چلند په اړه ځانګړې غونډه جوړه کړي.
ټاکل شوې دا غونډه راتلونکې چارشنبه په واشنګټن ډي سي کې جوړه شي.
تېره اوونۍ د افغانستان د بیارغونې لپاره د امریکا د سرمفتش ځانګړې ادارې “سیګار” خبرداری ورکړ، چې که د افغانستان په نادولتي موسسو کې ښځې و نه ګمارل شي، امریکا به په دغه هېواد کې خپلې ځینې مرستې او پروګرامونه وځنډوي.
دې ادارې ټینګار کړی چې طالب رژیم باید د ښځو پر کار بندیز لغوه کړي او د بشري مرستو په رسولو کې همکاري وکړي.
سیګار ویلي چې د ۲۰۲۲ کال په ډسمبر کې د طالبانو له پرېکړې وروسته چې په غیر دولتي موسسو کې یې د ښځو پر کار کولو بندیز ولګاوه، یوه امریکايي بین الدولتي موسسه د یوې داسې پروسې په اړه څېړنه کوي چې له مخې یې که مېرمنې د مرستو په رسولو کې برخه نه شي اخیستی، ځینې امریکايي په افغانستان کې به پروګرامونه وځنډول شي.
د طالبانو چارواکو ویلي دي چې د ښځو او نجونو کار او زده کړې تر بلې خبرتیا ځنډیدلي دي.
دوی د خپلو دغو افراطي پریکړو دلیل نه دی په ډاګه کړی، خو په ملي او نړیواله کچه توندو غبرګونونو سره مخ شوي.
ددې ښځو بلا دې پر دې مردارخورو وحشیانو وګرځي دوی د بشرې جنایت د فرخندې د وژلو او د ښځو د تعلیم د حقوقو د غضب او نه ورکول په اساس باید محاکمه شي ملا هیبت الله جاهل او ملګري یې اعدام شي او یو ټولواکه دیموکراتیک دولت منځ ته راشي !