تاند:( پنجشنبه ، د غویي ۲۱ ) د طالبانو د دفاع وزیر ملا یعقوب مجاهد نن د خپل پلار ملاعمر مجاهد د مړینې په لسمه تلین غونډه کې د وینا پر مهال د طالبانو په اړه د پاکستاني لیکوال حسن عباس تازه کتاب ته په ضمني ډول غبرګون وښود.
نوموړي پرته له دې، چې د حسن عباس او کتاب نوم یې واخلي وویل، دوی خپله تېره جګړه د چا له اغېزې پرته د شریعت په امر ترسره کړې وه.
ملایعقوب وویل، چې اوس ځینې خلک د پردو په اشاره په دوی پسې مقالې لیکي او د ځینو لوریو تر اغېزې لاندې يې ښيي، خو دا واقعیت نه لري.
یعقوب مجاهد د حسن عباس له نوم اخیستو پرته دا ډول کړنې د طالبانو خلاف د استخباراتي شبکو تبلیغات وګڼل.
حسن عباس، چې د امریکا په ملي دفاعي پوهنتون کې استاد دی، په خپل تازه اثر کې د جمهوري نظام خلاف د طالبانو جګړه د پاکستان تر قوماندې لاندې ګڼلې او ادعا یې کړې، چې د ملا یعقوب، امیرخان متقي او نورو په ګډون د طالبانو د ګڼو مشرانو کورنۍلا هم پاکستان کې ژوند کوي.
طالبانو په یوه رسمي اعلامیه کې هم دغه کتاب رد کړی، خو منتقدانو یې پوښتنه ورڅخه کړې چې که د دوی د مشرانو کورنۍ په پاکستان کې دي نو چېرته دي او ولې ملت ته ځواب نه وایي.
نو د ملا یعقوب کورنۍ چیرته ده, بچیان او دپلارني کهول یې چیرته ده
که دا کوم دليل کيدلۍ شى نو د اشرف غنى کرزى عبدالله محب صالح کورنۍ هم په خارجى هيوادونو کى اوسيدلى او اوس هم اوسيږي دا خو کوم منطقى دليل نشى کيداى
دا قدیانی روزل شوی وحشیان او د پنجابی پاکستان غلامان تر اوسه پوری افغان ملت په مرداړو ږیرو او کلیمو ویلو باندی غولوی او افغان ملت باید د غفلت خوب څخه راپاڅی او ددی ملی او اسلامی خائینینو پر ضد راپورته شی !!!!!
د ملا یعقوب مجاهد دغه خبره چی د طالبانو لومړنی مشر ملا محمد عمر مجاهد او ډلی یی د چا له اغیز پرته خپلی چاری مخ ته بیولی تر یوه بریده پځای خبره ده او زه ددغی خبری شاهد یم. د امریکا د حملو دمهال په را نیژدی کیدلو سره د پاکستان جګپوړۍ پلاوۍ ( د آی ایس آی مشر، د افغانستان لپاره د پاکستان دهغه مهال سفیر او د یوه مذهبی تنظیم مشر) راغلل او ملا عمر څخه یی امریکا ته د اسامه بن لادن د سپارلو غو ښتنه وکړه مګر ملا عمر هغوی په ډیره غوصه وویل چی (تاسو خپل ملک او ځانونه وساتۍ او زه به تاریخ وساتم). او بله یی هماغه د ډیورند د استعماری کرښی د منلو اړوند وه چی بیا هم طالبانو او په سر کی یی ملاعمر ورته وویل چی دا زموږ د تحریک د توان نه لوړه خبره ده او دا په اولس پوری اړه لری. په هغه مهال ملا محمد یعقوب مجاهد (اوسنۍ د دفاع چار سمبالۍ وزیر) ممکن یو کلن به وو!؟ بیا هم ملا محمد عمر یو ملنګ مزاجه سړۍ وو ، د دنیا او پیسو چندان شوقی نه وو او د دنیایی چارومطالعه یی هم نه درلوده،د طالبانو د تحریک تر مخه د کندهار پنجوایی ولسوالۍ په سنګسار سیمه کی دلاکو خیلو په کلی کی د جومات ملا امام وو او آخرینۍ جهادی وسله (کلاشینکوف) یی هم د جمیعت (ملا فیض الله ) وو چی بیرته یی ورته سپارلۍ وو.خو زما اصله خبره داده چی ملا عمر د خپل کلیوالی سوچ له کبله افغانستان د تباهۍ کندی ته ور واچولو، نوموړی یوازی د افغانی دود او دستور (پښتونولی او میلمه پالنی) په بنسټ د خپل رعیت (۳۲ میلیونه افغانانو) له ژوند سره لوبی وکړی چی زیان یی ټول هیواد او پڅانګړی توګه پښتنو ته ورساوه، دۍ حتی پدی هم نه پوهیده چی پاکستانۍ د آی ایس آی مسول (کرنیل امام چی اصلی نوم یی سلطان امیر تارړ دۍ) د ده په هکله څه سوچ لری ؟ همدی سلطان امیر تارړ پخپلو خاطراتو کی (د افغانستان د جهاد داستان) کی لیکلی دي چی ملاعمر لغړ رنۍ هلک لرلو.