تاند:( دوشنبه ، د غویي ۱۸ ) د افغانستان د انرژۍ او اوبو وزارت اعلان وکړ چې یو ترکی شرکت به په افغانستان کې د بادي برېښنا د تولید په برخه کې پانګونه وکړي.
د طالبانو په یوه اعلامیه کې راغلي، چې د یاد شوي وزارت لپاره د دوی واکمن ملا عبدالطیف منصور په دې اړه د ترکي شرکت له مشر سلیمان ګیلاوو سره لیدلي او خبرې یې کړي.
د خبرپاڼې له مخې، په دې کتنه کې دواړو لورو له بېلابېلو سرچینو څخه د پانګونې او د انرژۍ د تولید په پروژو کې د ګډو همکاریو پر پراختیا خبرې وکړې.
په دې کتنه کې ملا منصور وویل چې په افغانستان کې د پانګونې لپاره فرصتونه شته.
د دې خبرپاڼې له مخې، تر دې مخکې د ترکیې “۷۷ شرکت” د افغانستان د انرژۍ په برخه کې پانګونه کړې وه. ویل کیږي، چې دغه شرکت په هلمند ولایت کې د “کجکي” بند د پروژې په دویم فاز کې هم کار کړی دی.
دغه شرکت په ۲۰۱۹ کال کې له «برښنا» شرکت سره د باد له سرچینو څخه د برېښنا د تولید تړون لاسلیک کړ.
د افغانستان نیږدې ۷۰ سلنه بریښنا له منځنۍ اسیا واردیږي. دغه هېواد د بریښنا لپاره د اوبو، لمر او نورو طبیعي زېرمو پراخې سرچینې لري.
د برشنا شرکت د شمېرو له مخې، د افغانستان پلازمېنه کابل له ۷۰۰ میګاواټه ډېرې برېښنا ته اړتیا لري، په داسې حال کې چې په دغه ولایت کې تر ۲۰۰ مېګاواټه کمه برېښنا د وارداتي برېښنا له لارې وېشل کېږي.
طالبانو مخکې هم د بریښنا او نورو برخو لپاره د بهرنیو پانګوالو د پانګونې اعلانونه کړي، خو عملاً د دغو اعلانونو د چارو پیل لږ لیدل شوي.
همدی شرکت ۷۷ په ۲۰۲۰ کی د جمهوریت سره هم د همدغی پروژی قرار داد کړی وو او په دوه کاله کی یی د تکمیل ویلی وو . ولی تر اوسه یی هیڅ شروع هم نده کړی . و ګوری د پژواک ریپور
ماهی چه هر وخت له اوبو راوباسې تازه وی.
ډیر ښه زیرۍ دۍ.
د ازاد اباد او سوکاله افغانستان په هیله.
مړتت منافق او تختیدلی ټامیان یی د لوستو حق نلری.