تاند:( شنبه ، د غویي ۱۶ )   ټاکل شوې، چې د برتانیې د نوي باچا چارلز درېیم د تاج پوشۍ مراسم نن د شنبې پر ورځ ترسره شي.

چارلز د خپلې مور ملکه الزابت له مرګ وروسته باچا شوی، خو رسماً به نن دغه مقام خپل کړي.

د هغه کورنۍ له نیږدې زرو کلونو راهیسې پر برتانیې پاچاهي کوي.

دا له تېرو ۷۰ کلونو راهیسې، په دغه هېواد کې د باچا د تاج پوشۍ لومړني مراسم دي.

۷۴ کلن چارلز، د عمر له پلوه د برتانیې تر ټولو بوډا باچا ګڼل کیږي.

د هغه د تاج پوشۍ مراسمو ته د امریکا د لومړۍ مېرمنې په ګډون  د ګڼو هېوادونو لوړپوړي استازي ورغلي.

له چارلز سره، هم مهاله به د هغه ۷۵ کلنه مېرمنه کامېلا، د ملکې تاج په سروي.

یو شمېر برتانویان د شاهي کورنۍ پراخو لګښتونو او مراسمو باندې نیوکه لري او د خپل هېواد او خلکو په تاوان یې بولي.