تاند:( پنجشنبه ، د غویي لومړۍ ) د محمد حسن حسن زاده په نوم یوه افغان قاري په قطر کې د قرآن کریم په شپږمه سیالۍ کې لومړی مقام خپل کړ.
د قطر رسنیو خبر ورکړی، چې په دغو سیالیو کې د عراق یوه قاري دويم او د مصریوه قاري درېيم مقام خپل کړ.
په دې سیالیو کې له ۳۶ هېوادونو څخه سلو قاریانو برخه اخیستې وه.
ویل شوي، چې قاري حسن زاده ته 500000 قطري ریال، چې د 137000 امریکایي ډالرو معادل دي، ورکړل شول.
له ۲۰۱۷ کال راهیسې هر کال د روژې په مبارکه میاشت کې په قطر کې د قرآن کریم تلاوت سیالۍ ترسره کیږي.
یو شمېر افغانانو د خپل دغه قاري په لاسته راوړنې خوښي ښودلې او ویلي، چې افغانان د تر ټولو ښو مسلمانانو په توګه بیا هم د سیمې د استخباراتي شبکو په کفري فتواوو محکوم او تر هر چا ډېر د نا مسلمانۍ په تور وژل شوي او هېواد یې ویجاړ شوی.