تاند: ( جمعه، د حمل ۲۵ مه) د کرنې، اوبولګولو او مالدارۍ وزارت وايي تېر کال په ټول هېواد کې له ۳۳۷ متریک ټنو څخه ډېر ځمکني توتان راټول شوي دي.
د ياد شوي وزارت د معلوماتو له مخې ، بلخ په دې برخه کې پر ۲۵ هکتاره ځمکه د ۱۲۵ ټنو حاصلاتو له راټولولو سره تر ټولو ډېر حاصلات درلودل.
سربېره پر دې په کابل، هرات، تخار، دایکندي، خوست او نیمروز کې هم ځمکني توتان کرل کیږي.
د چارواکو په وينا، تېر کال پر ۱۱۸ هکتاره ځمکه ځمکني توتان کرل شوي وه، چې حاصلات یې ۳۳۷ متریک ټنه ول.
کرنې وزارت وايي په پام کې لري، چې په هېواد کې د ځمکنیو توتانو د کرنې ساحه پراخه او وده ورکړي.