شنبه, مې 18, 2024
Home+نن د کاسپروف شپېتمه کالیزه ده

نن د کاسپروف شپېتمه کالیزه ده

تاند- له نن څخه ۶۱ کاله پخوا د ۱۹۶۳ د اپریل په ۱۳ مه د روسیې او نړۍ د شطرنج نامتو لوبغاړی ګري کاسپروف د اذربایجان جمهوریت په پلازمېنه باکو کې وزېږېد.

کاسپروف په پنځه کلنۍ کې له خپل پلار او مور څخه شطرنج زده کړل. د ده پلار یهود او مور ارمنۍ وه.

ده له شپږ کلنۍ څخه شطرنج په جدي ډول پیل کړ، په دیارلس کلنۍ کې د شوروي اتحاد د ځوانانو د شطرنج اتل شو او په شپاړس کلنۍ کې په نړیوال تورنمنټ کې اتل شو.

کاسپروف په ۱۹۸۵ کې، چې ۲۲ کلن و، د شطرنج اتلولي وګټله. دا په دې لوبه کې لومړی ځل و چې یو دومره کم عمره یا ځوان کس د نړۍ د شطرنج اتلولي ګټي.

کاسپروف په روسیه کې اوسېدلی او له ۱۹۸۵ څخه تر ۲۰۰۰ پورې په نړۍ کې د شطرنج اتل پاتې شوی او د شطرنج په اړه یې څو کتابونه لیکلي دي.

دی په ۱۹۸۰ م کال د شطرنج نړیوال لوی استاد وپېژندل شو.

LEAVE A REPLY

Please enter your comment!
Please enter your name here

- Advertisment -

ادب