تاند:( دوشنبه ، د حمل ۲۱ ) د طالبانو له لوري د نجونو له زده کړو د دفاع په تور د پوهنتون بندي شوي استاد اسماعیل مشعل ویلي، چې لا هم په کابل کې د طالبانو په نظر بند کې دی.
نوموړي په تازه رسنیزو شویو څرګندونو کې یې ویلي، چې طالبانو په یوه کور کې ساتلی او اړیکې یې تر څار لاندې دي.
د استاد مشعل د کورنۍ غړو ویلي، چې د هغه کورنۍ له دې امله اقتصادي او رواني ستونزو سره مخامخ ده.
مشعل څو میاشتې مخکې د یوه ټلویزوني بحث پر مهال په هندوستان کې د خپلې ماسټرۍ په ګډون د ټولو زده کړو اسناد د نجونو پر زده کړو د طالبانو د بندیزونو د دوام په اعتراض کې وڅېرل.
هغه دغه راز په کابل کې د کتابونو د وړیا وېش لپاره یوه کراچۍ جوړه کړه او کتابونه وېشل، چې طالبانو د بې نظمۍ خورولو په پلمه بندي او بیا یې د خوشې کیدو اعلان وکړ.
طالبانو د نوموړي د نظربندۍ په اړه څه نه دي ویلي.
د طالبانو له لوري د تعلیمي هڅو د یوه بل مطرح فعال مطیع الله ویسا په ګډون ګڼ نور داسې غیر سیاسي او خیریه فعالان هم بندیان شوي، چې خلک یې سخت قهرولي دي.