تاند:( سې شنبه، د حمل ۱۵ ) د هلمند لپاره د طالبانو چارواکو ویلي، چې د مرکز لښکرګاه په لومړۍ ناحیه کې یې د «امارت» په نوم یو چوک جوړ کړی.
د دوی په وینا، دغه چوک چې د لښکرګاه ښار د ماسټر پلان مرکزي نقطه ده او پر یو درې لاري موقعیت لري، دشپږو مياشتو په موده کي یې کارونه بشپړ او پنځه سوه زره افغانۍ لګښت پرې راغلی.
دا په داسې حال کې ده، چې ځینې خلک د طالبانو ورته هڅې ستایي، خو ځینې نور یې د ښاري ښکلا د ځینو عادي هڅو په کولو د عامه ذهنیت د منحرفولو په هڅو تورنوي.
د دوی په باور، طالبان د خپل امارت د نوم له مشهورولو سره غواړي، چې د اوږده مهال لپاره یې د خلکو پر ذهنونونو وتپي.