تاند:( جمعه، د حمل ۱۱ ) د زابل ولایت د سرخوګانو په سیمه کې د کوچیانو پر یوه تراکتور د ماین چاودنه شوې ده.
ځایي طالب چارواکي وایي، چې پر دغه ټراکټور پخواني زوړ ماین چاودنه کړې چې له امله یو تن وژل شوی او درې ماشومان ټپيان دي.
سرچینه زیاتوي، چې ټپيان شوي ماشومان د شاجوی روغتیایي مر کز ته انتقال شوي.
د طالبانو له بیا واکمنیدو سره، د ورته پېښو خبرونه زیات شوي.
د داسې پېښو یو اصلي دلیل د طالبانو رژیم سره د نړیوالو د نه تعامل له امله په افغانستان کې د ماین پاکولو د چارو ټکني کیدل ګڼل کیږي.