تاند- پاکستان له افغانستان څخه وروستۍ یا درېیمه شل اوره سیالي په داسې حال کې وګټله چې افغانستان د دې لوبلړۍ ټرافي په لومړیو دوو سیالیو کې د بري په خاطر ګټلې وه.
نن (دوشنبه) پچه د لومړیو دوو سیالیو خلاف افغانستان وګټله خو کیپتان راشد خان پرېکړه وکړه چې بیا دې هم لومړی بیټنګ پاکستان وکړي. پاکستان په ۲۰ اورونو کې په داسې حال کې چې د افغانستان د کرکټ ملي لوبډلې نن له پاکستان څخه دوهمه شل اوره سیالي په ۷ ویکټونو وګټله او په دې توګه د درو شل اوره لوبلړۍ ګټونکی شو.
نن بیا پچه پاکستان وګټله او غوره یې وبلله چې لومړی بیټنګ وکړي. دا ځل پاکستاني لوبغاړو د تیرو دوو سیالیو خلاف ښه بیټنګ وکړ. دوی په ۲۰ اورونو کې، چې ۷ لوبغاړي یې بایللي وو، ۱۸۲ منډې وکړې چې دا د افغانستان لپاره خورا لوړ هدف و.
د پاکستان لپاره تر ټولو ډیرې منډې سایم ایوب وکړې. ده په ۴۰ توپونو ۴۹ منډې وکړې. خو په باولینګ کې د پاکستان کیپتان شاداب خان نه یوازې ۳ افغان لوبغاړي وسوځول بلکې ډیرې کمې منډې ورکړې. ده په ۴ اورونو کې ۱۳ منډې ورکړې او له همدې کبله د نننۍ مسابقې فوره لوبغاړی وپېژندل شو.