پنجشنبه, جون 13, 2024
Homeخبرونهافغانستان د میندو د مړینې له پلوه د اسیا د هېوادونو په...

افغانستان د میندو د مړینې له پلوه د اسیا د هېوادونو په سر کې دی

تاند:( یکشنبه، د حمل ۶ )  د کډوالو په چارو کې د ملګرو ملتونو عالي کمېشنرۍ وايي، افغانستان د اسیايي هېوادونو په منځ کې د میندو د مړینې تر ټولو لوړه کچه لري.

  دې ادارې په یوه ټویټ کې چې د یکشنبې په ورځ خپور شو ویلي چې د دې شمېر د کمولو لپاره یې د افغانستان په لرو پرتو سیمو کې مسلکي قابلې روزلي څو ښځې د ماشوم د زیږولو خدماتو ته ښه لاسرسی ولري.

د ملګرو ملتونو د وګړو صندوق څه موده وړاندې ویلي وو، چې په تېرو دوو لسیزو کې په هرو سلو زرو زیږونونو کې د میندو مړینه له ۱۴۵۰ څخه ۶۳۸ پېښو ته راټیټه شوې ده.

د دغه بنسټ د اټکل له مخې له ۲۰۲۲ څخه تر ۲۰۲۵ کال پورې ښايي ۵۱ زره مېرمنې د اقتصادي بحران او د روغتیايي سیستم د بې کفایتۍ له امله د زېږون پر مهال مړه شي او ۴،۸ د امیندوارۍ پېښې رامنځته شي.

د نړیوالو بنسټونو د څار اداره د افغانستان د روغتیايي سیستم وضعیت ناعادلانه بولي او وړاندوینه کوي چې د ښځینه ډاکټرانو کمښت به په راتلونکي کې د هېواد د روغتیايي سیستم پر وړاندې له عمده ننګونو څخه وي.

د طالبانو له لوري د ښځینه وو پر زده کړو، کار او ټولنیزو فعالیتونو بندیزونه او نورې افراطي پریکړې د راتلونکي لپاره هم ننګونکي ګڼل کیږي او ټینګار دا دی، چې هر څومره ژر باید دا بندیزونه لغوه او افغان ښځینه له تلف شویو حقونو بیرته برخمنې شي.

LEAVE A REPLY

Please enter your comment!
Please enter your name here

- Advertisment -

ادب