تاند: ( یکشنبه، د کب ۶ ) په کندوز ولايت کې د طالبانو ځايي چارواکو د يوه ملي سوداګر په درې سوه زره ډالره لګښت د يوه خصوصي کرنيز کمپلکس د جوړېدو خبر ورکړی.
د طالبانو د والي مطبوعاتي دفتر ویلي، چې دغه کمپلکس پر ۲۵ جريبه دولتي ځمکې جوړ شوی.
سرچينه زياتوي، چې دغه کمپلکس نن د طالبانو د والي او نورو چارواکو له لوري پرانيستل شو.
طالبانو د ياد شوي کرنيز کمپلکس په اړه نور جزییات نه دي ورکړي.
دا په داسې حال کې ده، چې د طالبانو له بیا واکمنيدو سره د افغانستان سلګونه میلیونه ډالره پانګه د شرايطو د خرابوالي له امله بهرنيو هېوادونو ته لېږدول شوې ده.