تاند: ( شنبه، د کب ۶ ) راپورونه وايي، چې پخواني ولسمشر حامد کرزي لندن ته خپل پینځه ورځينی سفر د بریتانیا له پاچا او يو شمېر افغان سياستوالو سره تر لیدنې وروسته پای ته رسولی.
په لندن کې د افغانستان یوه پخواني سفير طيب جواد ویلي، چې کرزي د دغه سفر پر مهال په افغانستان کې د ملي روغې جوړې په اړه بريتانوي چارواکو او يو شمېر افغان سياستوالو سره لیدلي.
سرچينې په دې اړه نور جزییات نه دي ورکړي.
ځينې راپورونه څرګندوي، چې کرزي د ويډيو کنفرانس له لارې په ترکیه کې مېشتو يو شمېر طالب ضدو څېرو او له هغې ډلې خپل پخواني مرستيال محمد يونس قانوني سره خبرې اترې کړي دي.
د کرزي مطبوعاتي دفتر او نیږدې سرچينو په دې اړه څه نه دي ويلي.
په يو شمېر نورو راپورونو کې راغلي، چې د کرزي سياسي متحد ډاکټر عبدالله عبدالله هم په لندن کې د نوموړي د موجودیت پر مهال له هندوستان څخه لندن ته سفر کړی او کرزي سره په لیدنو کتنو کې ملګری و.
طالب وياندويانو د کرزي د سفر او لیدنو په اړه کوم غبرګون نه دی ښودلی.
همدا منافق وطن تباه کړ او انشالله چې خدایې به ېی وشرموې مګر دا خبیث کله شرمیږۍ و پادوان قسیم پنجشیرې همدا خبیث کرزی لکه خر وډباوه مګر بیایې هم حیا ونکړه