پنجشنبه, مارچ 28, 2024
Homeخبرونهسعودي عربستان وايي، د پنجشنبې په ورځ روژه پیلېږي

سعودي عربستان وايي، د پنجشنبې په ورځ روژه پیلېږي

تاند – د سعودي عربستان شاهي محکمې د سې شنبې په ماښام (د حمل ۱) وویل چې د دغه هیواد سترې محکمې د پنجشنبې ورځ، چې د حمل ۳ یمه او د مارچ ۲۳ مه ده، د ۱۴۴۴ هجري قمري کال د روژې میاشتې لومړۍ ورځ اعلان کړه.

د سعودي عربستان رسمي خبري اژانس د خپل هیواد د سترې محکمې په قول وویل چې د دې محکمې د میاشت لیدلو ادارې د سې شنبې په ماښام له لازمو ارزونو وروسته په یوه ناسته کې پرېکړه وکړه چې چهارشنبه د شعبان میاشتې وروستۍ ورځ ده او سبا یې (پنجشنبه) د روژې مباشتې لومړۍ ورځ اعلانوي.

په افغانستان کې د اعلحضرت ظاهرشاه د سلطنت له وخته روژه او اخترونه له سعودي عربستان سره په یو وخت وو خو طالبان په دې برخه کې متفاوت نظر لري نو څرګنده نه ده چې طالبان به د سعودي پیروي وکړي او که د پاکستان، ایران او یو شمېر نورو اسلامي هیوادونو په شان به د خپل افق پر اساس روژه اعلان کړي.

طالبانو د دې خبر د خپرېدو تر شېبې پورې څه نه دي ویلي چې د روژې لومړۍ ورځ به کله وي.

LEAVE A REPLY

Please enter your comment!
Please enter your name here

- Advertisment -

ادب