تاند:( پنج شنبه، د کب ۲۵) د کابل امنیه قومندانۍ پولیسو یو سوداګر د سړي تښتونکو له منګولو وژغوره.
د دغې قومندانۍ لپاره د طالبانو ویاند خالد ځدراڼ وویل: «د کابل د پولیسو د ۱۵مې حوزې زړورو پولیسو د کابل ښار له څلورمې امنیتي حوزې څخه یو سوداګر چې د سړي تښتوونکو له خوا تښتول شوی و. د کشف راپور له مخې، هغه په څلورو ساعتونو کې وژغوره.”
د هغه په وينا، د دغه سوداګر د تښتونې په تړاو د احمدي په نوم يو مشهور تښتونکى او د هغه دوه ملګري نيول شوي دي.
په کابل او د افغانستان په نورو ولایتونو کې د ورته پېښو خبرونه زیات شوي، چې اصلي دلیل یې د اقتصادي او بشري ناورین پراختیا ګڼل کیږي.