تاند:( یکشنبه، د کب ۲۱) د طالبانو د کډوالو او بیرته راستنیدونکو چارو وزارت ویلي، چې شاوخوا دوه نیم زره افغان کډوال له ایران او پاکستان څخه خپل هېواد ته ستانه شوي.
د وزارت د خبرپاڼې له مخې، د هرات د اسلام قلعه بندر له لارې د ايران څخه (۲۳۹۴) تنه افغان مهاجرين هېواد ته راستانه شول.
سرچینه وایي، د يادو راستنېدونکو له ډلې ( ۲۲۳) تنه د مرستو په موخه د مهاجرت همغږۍ ( ۱۲۵۰۰) افغانۍ نغدې ووېشل شوې.
د ويلو ده، چې يادو کورنيو سره مخکې هم په لومړي قسط کې نغدې مرستې شوې وې.
د یو بل خبر له مخې: د پاکستان څخه له څلور سو زيات افغان مهاجر هېواد ته راستانه شول.
کډوالو وزارت وایي، چې دغه ۴۲۰ کډوال د کندهار د سپين بولدک بندر له لارې د پاکستان هيواد څخه هېواد ته راستانه شول.
ویل شوي، چې د مهاجرينو چارو رياست د سپين بولدک د مهاجرينو چارو د سرحدي آمریت د معلوماتو له مخې (۳۵۲) کورنۍ د مرستو په موخه د مهاجرت نړيوال سازمان (IOM) ته ور وپېژندل شول.
دا په داسې حال کې ده، چې ځینې نور راپورونه د یادو کډوالو د جبري ستنیدو خبر ورکوي او وایي ایران او پاکستان په زوره افغان کډوال له خپلې خاورې وباسي.