تاند:( یکشنبه، د کب ۲۱) د طالبانو د رژيم د چارو ادارې د ملي تدارکاتو انسټیټیوټ د نصاب د پښتو ته ژباړلو د پلان خبر ورکړی.
سرچینې ویلي، چې په دې اړه یې د ژباړې لپاره یوې کمېټې ته دنده سپارلې ترڅو ياد نصاب د ملي تدارکاتو انسټیټیوټ د زده کوونکو لپاره اسانه او عام فهمه شي.
یو شمېر خلکو د طالبانو د دغې پریکړې هرکلی کړی او ویلي، چې په حکومتولۍ کې د ژبو د توازن ساتلو لپاره باید پاملرنه زیاته شي.
دا په داسې حال کې ده، چې تر دې مخکې د طالبانو رژیم د ځينو ادارو او مصطلحاتو د عربي کولو له امله توندو غبرګونونو سره مخ شوی.