تاند:( یکشنبه، د کب ۱۴) پېښور کې د هنري زده کړو یوه ښوونځي د پښتون فرهنګ او تورې د مشهور اتل خوشال خان خټک په اړه ډرامه جوړه کړې ده.
د یاد شوي ښوونځي مشر ډاکټر ناصر اقبال ویلي، چې د خوشال بابا په اړه دا لومړنۍ هنري ډرامه ده، چې جوړیږي.
په دغه ډرامه کې د محمد بریال خان په نوم یوه لوبغاړي د خوشال بابا رول لوبولی.
تراوسه دا ډرامه ډېره خپره شوې نه ده او په اړه یې قضاوتونه نه دي په ډاګه شوي.
په ډرامه کې د خوشال بابا د رول لوبونکي محمد بریال ویلي، چې د داسې لوی شخصیت په رول کې راتلل ورته ستونزمن وو او ویاړي، چې دا ډول رول ورکړل شوی دی.
په پېښور او ټوله کې د پاکستان تر کنټرول لاندې سیمو کې هڅه شوې، چې پښتون فرهنګ او اتلان ناسم تعبیر او وړاندې شي.
معلومه نه ده، چې دا ډرامه د خوشال بابا د اتلولیو او که پر ضد یې د دسیسو برخه ده.