تاند: ( چار شنبه، د حوت ۱۰ ) افغان ورزشکارانو د روسیې په کوزباس ایالت کې د اسیا د ماشومانو لپاره په جوړو سکي سیالیو کې خپلې لومړنۍ سیالۍ ترسره کړې.
په دې سیالیو کې له افغانستان سره په ګروپ کې د تاجکستان او قرغیزستان ورزشکاران شامل دي.
د لومړۍ ورځې په سیالیو کې د تاجکستان او قرغیزستان هیواد ورزشکاران له افغان ورزشکارانو څخه مخکې وو.
د یادونې وړ ده، چې په یادو سیالیو کې له افغانستان څخه درې تنو د سکي ورزشکارانو: ابوالفضل حسیني، حمزه باتوري او علي رضا براتي ګډون کړی، چې عمرونه یې له څوارلس کلونو څخه کم دي.