تاند: ( یکشنبه، د حوت ۷ ) راپورونه وایي، چې د ایټالیا په ختیځ ساحل کې د کډوالو د یوې کښتۍ د ډوبیدو له امله لږ تر لږه ۳۳ تنو ژوند د لاسه ورکړی دی.

د انسا په نوم ایټالوي رسنۍ لیکلي چې د «کرتون» ولایت د «Estacato di Corto» په څنډه کې شاوخوا ۲۷ جسدونه موندل شوي دي.

د دې رسنۍ په وینا په اوبو کې نور مړي موندل شوي دي.

 ویل کیږي چې اوس مهال د قربانیانو شمیر ۳۳ تنه دی، خو احتمال شته چې شمیر یې زیات شي.

رویټرز د سرچینو په حواله ویلي چې په دې کښتۍ کې له سلو زیات کډوال (د ۱۴۰ او ۱۵۰ ترمنځ) سپاره وو، خو د قربانیانو هویت او هویت لا هم څرګند نه دی.

د دغه راپور له مخې، په دې پېښه کې ۴۵ کسان وژل شوی او ۸۱ کسان ژغورل شوی دی.

ویل شوي، چې دغه کښتۍ کې د ایران، پاکستان او افغانستان کډوال لېږدول کیدل، چې په توپان سمندر کې له ډبرو سره ټکر شو.

 څه موده مخکې په بلغاریا کې ۱۸ افغان پناه غوښتونکي په یوه بند موټر کې د اکسیجن د نشتوالي له امله مړه شوي وو.