تاند: ( یکشنبه، د حوت ۷ ) د پاکستان ایکسپریس ټریبیون ورځپاڼې ادعا کړې، چې په افغانستان کې د طالبانو حاکمې ادارې له پاکستان څخه د TTP یا تحریک طالبان پاکستان د بې وسلې کولو او له ډیورنډه یې د لیرې کولو په بدل کې پیسې غوښتي دي.
دغې ورځپاڼې ویلي دا خبره د پاکستان مرکزي «اپکس» کمیټې غونډه کې چې د دې هیواد د صدراعظم شهباز شریف په گډون یو شمیر نورو پاکستاني چارواکو هم پکې ګډون کړی و څرگنده شوې ده.
«اکسپرس تریبون» زیاته کړې چې په دې غونډه کې ویل شوي چې طالبانوتر دې مخکې په افغانستان کې د شرقي ترکستان اسلامي غورځنگ (ETIM) کابو کولو لپاره ورته وړاندیز چین ته هم کړی و.
د طالبانو ادارې په دې اړه څه نه دي ویلي.
د پخواني ولسمشر حامد کرزي د دفتر د رییس عبدالکریم خرم په ګډون یو شمېر خلکو دغه راپور بې بنسټه ګڼلی او ویلي ګومان نه کوي، چې طالبانو پاکستان نه داسې غوښتنه کړې وي.
د پاکستان د دفاع د وزیر خواجه آصف په مشرۍ د دغه هېواد د پوځي استخباراتو رییس او یو شمېر نور چارواکي څو ورځې مخکې کابل ته راغلي وو، چې د سفر په ترڅ کې یې د طالبانو د رییس الوزرا د اقتصادي مرستیال ملا عبدالغني برادر په مشرۍ د طالبانو امنیتي او دفاعي چارواکو سره ولیدل.
دا هسې چټیات دي طالبان هیڅکله داسې بې پښتو کار نکوي. دا د پاکستان د دفاع وزیر او د ای اس ای مشر کیدی شي غواړي د خپل ملک نه پیسې ووهي. طالبان باید ددې بې بنیاده تور په هکله سپیناوی وکړي.
پاکستان د پدی پوه شی چی دوی اوس له طالب سره مخامخ دی نه د جمهوریت له غلو او ډوزمارانو او وطن خرڅونکو سره. دا طالبان به تاسو ته د سر په کاسه کی اوبه درکی انشالله