پنجشنبه, مارچ 28, 2024
Homeخبرونهد امریکا جنګي الوتکې یو مرموز الوتونکی شی ویشتی

د امریکا جنګي الوتکې یو مرموز الوتونکی شی ویشتی

تاند(شنبه، د دلوې ۲۲مه) سپینه ماڼۍ وايي، د امریکا د پوځ ایف ۲۲ جنګي الوتکې د جمعې په ورځ د موټر هومره یو غټ شی د الاسکا په اسمان کې وویشت.

د سپیینې ماڼۍ د ملي امنیت کمېټې ویندوی جان کربي وویل، دا الوتونکی شی له مځکې ۴۰ زره فوټه (نژدې ۱۰ کیلومتره) لوړ و او د مسافري الوتکو لپاره جدي خطر ګڼل کېده.

د جان کربي په وینا دا شی پر یوه کم نفوسه هستوګنه سیمه د حرکت په حال کې ولیدل شو.

د سپینې ماڼۍ ویندوی زیاته کړه، دا شی چې څرګنده نه ده له کوم ځایه راغلی و او هدف یې څه و، د ولسمشر جو بایډن په امر وویشتل شو.

د سپینې ماڼۍ د ملي امنیت کمېټې ویندوی خبریالانو ته وویل چې د غورځول شوي شي ټوټې اوس د الاسکا په ساحلي اوبو کې پرتې دي او دا اوبه کنګل دي

تر دې کابو یوه اوونۍ وړاندې امریکا د خپلو ختیځو اوبو په اسمان کې یو چینايي بالون وویشت او ادعا یې وکړه چې هغه د جاسوسۍ لپاره وراستول شوی و.

خو جان کربي د الاسکا ایالات دپاسه د ایف ۲۲ جنګي الوتکې له لوري ویشتل شوی شی له چینايي بالون سره ډیر متفاوت وباله.

د امریکا د دفاع وزارت ویندوی جنرال یټ رایډر هم پرون (جمعه) وویل چې د امریکا د هوايي ځواک ایف ۲۲ جنګي الوتکې د امریکا د ختیځ په وخت په یوه بجه او ۴۵ دقیقې یو شی چې ډیر تیز په هوا کې روان و، په توغندي وویشت.

ده وویل چې د دغه شي ټوټې راټولې شوي دي او په اړه یې څېړنې روانې دي.

په تېرو کلونو کې د امریکا د پوځ د هوايي ځواک له لوري د ځینو مرموزو الوتکونکو شیانو، چې ځینې یې د نورو مخلوقاتو الوتونکې رکیبۍ بولي، د ویشتلو ادعاوې شوي دي.

امریکا وايي، د چین جاسوسي بالون یې ویشتی دی

LEAVE A REPLY

Please enter your comment!
Please enter your name here

- Advertisment -

ادب