تاند:( جمعه، د دلوې يوويشتمه) له کابل څخه تازه راپورونه وايي، چې د دغه ښار په يو شمېر سيمو کې د زلزلې ټکانونه محسوس شوي دي.
د راپورونو له مخې، دغه زلزله د کابل په وخت د شپې شاوخوا نهه نيمې بجې په خفيفه توګه محسوسه شوې ده.
په خيرخانه، قصبه او د کابل په شمالي برخو کې ځينو خلکو د دغې زلزلې د ټکانونو د محسوسولو خبر ورکړی.
د زلزلې پېژندنې اړوندو ادارو او ځايي چارواکو په دې اړه څه نه دي ويلي.
په ترکیه کې له بیسارې وژونکې زلزلې وروسته د افغانستان په شاوخوا سيمو کې هم د زلزلو وړاندينه شوې، چې خلک يې انديښمن کړي دي.