تاند:( چار شنبه، د دلوې نولسمه) د طالبانو د مالیې وزارت وايي؛ د هېواد په ټولو ګمرکونو کې یې هغو بنسټونو ته، چې د بشر پاله مرستو په برخه کې فعالیت کوي ګمرکي تعرفه صفر کړې.
یاد وزارت زیاته کړې؛ تر دې دمه افغانستان ته ۴۱زره او ۳۰۶ محمولې توکي وارد شوي، چې د ګمرکي تعرفې له معافیت سره یې ۳۲،۳میلیارده افغانۍ عواید له لاسه ورکړي.
په وروستيو کې د طالبانو اداره له بشري مرستو څخه د ماليې اخیستو له امله نیوکو سره مخ ده او د دوی ځینې منتقدین په دې پلمه، چې طالبانو ته له يادو مرستو مالیه په لاس ورځي، د دغو مرستو د ځنډولو غوښتې کوي.
د طالبانو ياد شوي اعلان د بشري مرستو د زیاتیدو د پلويانو له هرکلي سره مخ شوی.