تاند:( پنجشنبه، د دلوې دیارلسمه) د هزاره قوم يو مشهور سياستوال حاجي محمد محقق د تبیان په نامه د يوه فرهنګي مرکز د مشر سيد عيسی حسيني مزاري له لوري د دغه مرکز د موسس سيد علي اکبر مصباح او د هغه د ۷ نورو ملګرو په وژلو تورن شوی.
مزاري د مصباح او ملګرو د وژل کیدو د اته ويشتمې کليزې په مناسبت يې جوړه شوې غونډه کې پر محقق د دوی د وژلو تور پورې کړی.
د هزاره فرهنګي فعالانو دغه ډله په ۱۳۷۳ کال په مزار شريف کې هغه مهال وژل شوي وو، چې محقق د افغانستان په شمال کې د هزاره وسله والو عمومي مشر و.
علي مزاري پر هغه تور پورې کړی، چې سلګونه سني او شیعه افغانان يې وژلي او د ده په وينا جلاد دی.
حاجي محقق بيا پر ټولنيزو رسنيو د يوه کنايوي بيت له خپرولو سره د مزاري څرګندونې بې بنسټه ګڼلي دي.