تاند:( پنجشنبه، د دلوې شپږمه) د طالبانو د رياست الوزرا اقتصادي مرستيال ملا عبدالغني برادر ادعا کوي، چې افغانستان له تېرو څلويښتو کلونو راهيسې په تر ټولو ښه وضعيت کې دی او ژوند و راتلونکي ته د افغانانو هيله مندي زياته شوې ده.
ښاغلي برادر دغه څرګندونې د ملګرو ملتونو د سرمنشي مرستيال مارتین گریفتس سره د ليدنې پر مهال کړي دي.
هغه د خپلي ادعا دلايل نه دي روښانه کړي، خو ډېری طالب مشران د دوی له واکمنيدو سره په افغانستان کې د بشپړ امنيت د تامينولو ادعا کوي او دغه امنيت بېساری بولي.
د طالبانو منتقدین بيا هم د بشپړ امنيت ادعاوې ردوي او هم په هېواد کې شته فقر، د خلکو او خاص ډول ښځو او نجونو پر وړاندې د طالبانو تبعيض او له هېواده له ډیرې نهيلۍ د ميليونونه افغانانو وتل بېساری بولي.
څو ورځې مخکې د طالبانو د کډوالو چارو وزير مولوي خليل الرحمن حقاني وويل، چې د دوی له واکمنيدو سره ايران ته په ناقانونه توګه د ورتلونکو ۵ نيم سوو افغانانو جنازې هېواد ته ستنې شوي دي.
د ډېرو نړېوالو ادارو راپورونه هم څرګندوي، چې افغانستان کې وضعيت د فردي ازادۍ، اقتصادي ناورين او له اوسني او راتلونکي وضعیت څخه د نهيلۍ له پلوه ډېر خراب شوی.
According to the Mike Pompeo new recent published book you are the main puppet of them. He admitted and written in his book.
هغه دظاهرشاه د دلور کیسه چه پلار ته یی ویلی وو چه داخلک ولی ژاړی او نعری وهی ، هغه ورته ویلی ول چه لوری ډوډی نشته خلک ډوډوی غواړی ، لوری یی ورته ځواب ورغبرګ کړ چه ډوډی نشته بیسکټ خو ډیر دی ، دغه د وخوری کنه
هرڅه په مرحوم ظاهر شاه ورتپل هم سم نه دي .
کله چې د فرانسې هېواد په اوږدو جګړو کې ډېر مصارف وګالل ، د هغه هېواد اقتصادي وضعیت ډېرخراب شو. پاچا پر دهقانانو ډېرې مالیې وضعه کړي او دې ملا ماتوونکو مالیو د ولس اقتصادي شرایط نور هم بدتر کړل .
له بلې خوا په خپله شاه 16 لویی او د هغې مېرمنې ماری انتوانت ډېر مجلل ژوند او زیات مصارف درلودل . ولس مجبور و چې د عیسوي ملایانو ، کلیسا او د هغو مدرسو لپاره هم ډېر مصارف په غاړه واخلي . دې ټولو سختو ټولنیزو او اقتصادي شرایطو چې د ولس د قهر او غوصې سبب شوه ، د فرانسي لوی انقلاب ته زمینه برابره کړه .
د فرانسې ولس د شاهي رژیم ، کلیسا او اربابانو پرضد مظاهرې شروع کړي . په داسې شرایطو کې د 16 لویی لور له خپله پلاره وپوښتل چې دا خلک څه غواړي ، پلار یې ورته وویل چې دوی وږي دي ډوډۍ غواړي . نازدانه لور یې ورته وویل چې که ډوډۍ نه وي نو کلچې د وخوري .
دغو مظارهرو او قیام په نتیجه کې چې له 1789 تر 1799 پورې دوام وکړو د فرانسې شاهی دولت له منځه لاړ، فرانسه کې جمهوریت حاکم شو . دین له حکومت نه جدا ، پاچا سر په ګیوتن ترې پرې شو چې دغو حوادثو ته د نړۍ په تاریخ کې د فرانسې لوی انقلاب ویل کیږي .
ملابرادر د اشرف غني غوندي فکر او فلان لري خو توفیر یې دغه دی چي ملاعبدالغني یې په لنګوټه کي کوي او غني په دریشي کي نور تګلاره د دواړو یوه ده