تاند:( دوشنبه، د دلوې درېیمه) د افغانستان د پخواني ولسمشر ډاکټر نجيب الله د ويناوو لومړی ټوک چاپ شو.
دغه کتاب د جنوبي پښتونخوا په مرکز ( کوټه) کې پښتو ادبي غورځنګ خپور کړی، چې د چاپ زيار ېې د دغه غورځنګ مشر ډاکټر صادق ژړک ګاللی.
د دغه کتاب په اړه نور جزییات نه دي ورکړل شوي.
ګومان کېږي، چې په کتاب کې به د ډاکټر نجيب الله د ولسمشرۍ د دورې ويناوې خوندي شوي وي.
ډاکټر نجيب الله د افغان سياسي څېرو په منځ کې په ښی ويناوالۍ مشهور و.