تاند:( شنبه، د دلوې اوله) د هندوستان د باليووډ سېنما د مشهور فلمي ستوری شاه رخ خان د راتلونکي جنجالي فلم “پټان” لپاره د ۱۴۵ میلیونه هندي روپيو په ارزښت ټکټونه مخکې له مخکې پلورل شوي.
د فلم جوړوونکو تمه ښودلې چې دا فلم به جنورۍ په ۲۵ د خپرېدو په لومړۍ ورځ ۴۵۰ میلیونه هندي روپۍ عاید ولري.
پټان فلم په هندي ټولنه او رسنیو کې پراخ غبرګونونه را پارولي او ډېرو خلکو ورسره له لیدلو مخکې د پرېکون اعلان هم کړی.
د شاه رخ خان، ډیپيکا پډوکون او جان ابراهیم په دې فلم ۲.۵ میلیارده هندي روپۍ لګښت راغلی چې څلور ورځې وروسته به نندارې ته وړاندې شي.
تر اوسه د دغه فلم ډېر جزییات نه دي رسنيز شوي.