جمعه, مارچ 29, 2024
Homeخبرونهاقتصادي خبرونههلمند کې يوه پانګوال په ۶۵ میلیونه افغانیو د‌ پنبې فابریکه جوړه...

هلمند کې يوه پانګوال په ۶۵ میلیونه افغانیو د‌ پنبې فابریکه جوړه کړه

تاند:( شنبه، د دلوې اوله)‏ ‏ د هلمند په مرکز لښکرګاه کې د ۶۵ میلیون افغانیو په پانګونه د پنبې یوه فابریکه پرانیستل شوه چې د ځايي چارواکو په وينا په یوه ساعت کې د درې ټنه پنبې تولیدولو وړتیا لري.

دغه فابریکه د لښکرګاه ښار اړوند په بولان سیمه کې جوړه شوې چې د پرانیستې په مراسمو کې یې یو شمېر چارواکو او صنعتکارانو ګډون کړی وو.

یاده فابریکه د ۶۵ میلیون افغانیو په پانګونه، د اتو میاشتو په موده کې جوړه شوې چې شاوخوا ۲۰۰ کسانو ته په کې په مستقیم او غیرمستقیم ډول د کار زمینه برابره شوې ده.

دغه فابریکه په ساعت کې د ۳ ټنه دانه‌دارې پنبې د تولید وړتیا لري چې ترڅنګ یې غوړي، کنجاړه او صابون هم تولیدوي.

د هلمند د صنعت او سوداګرۍ ټولنې مشر غلام یحیی پښتون وویل، اوسمهال په دغه ولایت کې شاوخوا ۴۱ فابریکې فعاله شوي چې ۳۵۰۰ کسانو ته په کې د کار زمینه برابره شوې ده .

د هلمند اوسېدونکي هم د دغه ډول فابریکو جوړول مهمه اړتیا بولي او د ډېرېدو غوښتنه یې کوي.

LEAVE A REPLY

Please enter your comment!
Please enter your name here

- Advertisment -

ادب