تاند:( شنبه، د دلوې اوله) د افغانستان لپاره د روسیې ځانګړي استازي ضمیر کابلوف په نیږدې راتلونکي کې د افغانستان په اړه د مرستو د نړيوال کنفرانس د ترسره کیدو خبر ورکړی.
نوموړي په دې اړه، چې دا کنفرانس به د چا په کوربه توب او ګډون تر سره شي، څه نه دي ويلي.
هغه په ياد شوي کنفرانس کې د يو شمېر هېوادونو او په خاص ډول د سيمې د ګډون او د افغانستان له سولې او ثبات څخه ېې د ملاتړ خبر ورکړی.
د روسیې ځانګړي استازي تېره اونۍ کابل ته سفر کړی و.
هغه د ياد شوي سفر پر مهال د طالبانو د بهرنيو چارو وزير مولوي امیرخان متقي سره د دوی د رژيم د په رسميت پېژندلو په اړه هم خبرې کړې وې.
د چارو شنونکي په افغانستان کې د طالبانو د رژيم له ملاتړ سره بیا هم، بحراني شرايطو کې افغانانو سره د سیمې هېوادونو ناڅیزه مرستې نقدوي او غلولونکي يې بولي.