تاند:( شنبه، د دلوې اوله) د پاکستان د بهرنيو چارو وزير بلاول بوټو زرداري وايي، چې هېواد ېې د افغانستان په خاوره کې د پاکستان د تحريک طالبان پر ضد د اقداماتو پلان نه لري.
نوموړي پرون امریکا متحده ایالاتو ته د یوه سفر پر مهال دا هم ویلي، چې د دوی حکومت له تحریک طالبان پاکستان سره د سولې مذاکرات نه کوي.
د هغه په وينا، د پاکستان مخکینی صدراعظم عمران خان د یاد شوي تحریک نطرياتي ملاتړی و، ځکه ېې خبرې ورسره وکړې او د پاکستان خلاف ېې زړور کړل.
پاکستاني وزیر په عین حال کې د افغانستان طالب چارواکي د دوحې تړون له مخې، د افغانستان کې ترهګرو ډلو ته په نه پناه ورکولو مکلف دي.
په کابل کې د طالبانو حاکم رژیم مخکې پاکستاني طالبانو ته د پناه ورکولو تورونه رد کړي او پاکستان یې د تور لګولو پر ځای د ځان خوندي کولو لپاره عملي اقداماتو ته بللی.
د طالبانو دفاع وزیر ملا یعقوب مجاهد دا هم ویلي و، چې افغانستان بې څښتنه خاوره نه ده، چې څوک عملیات ورباندې وکړي.