تاند:( پنجشنبه، د جدي ۲۹) د غزني د مرکز درېیمې حوزې په مربوطاتو کې د ګاز نیونې له امله د یوې ښځه او دوو ماشومانو په ګډون ۴ تنه مړه شوي.
د یاد ولایت لپاره د طالبانو د امنیې قوماندانۍ ویلي چې مړه شوي کسان د پکتیکا د ارګون ولسوالۍ اوسېدونکي دي او په یوه هوټل کې د ګاز نیونې له امله مړه شوي دي.
د ژمي موسم کې هر کال د افغانستان له مختلفو سيمو څخه د داسې پېښو له امله د لسګونه تنو د مړينې خبر ورکول کېږي.
د داسې پېښو اصلي دليل د ګاز کارونکو بې احتياطي ګڼل کیږي.