تاند:( دوشنبه، د جدي ۲۶) د نورستان په کامدېش ولسوالۍ کې د طالبانو ځايي چارواکو د مخابراتي خدمتونو د بشپړیدو خبر ورکړی.
دغو چارواکو ويلي، چې له بيا واکمنيدو مخکې ېې په دې ولايت کې مخابراتي خدمتونه کمزوري وو، خو دوی اوس د نورو سيمو تر څنګ په کامدیش ولسوالۍ کې هم مخابراتي خدمتونه فعاله او پیاوړي کړي.
د نورستان د اترا ادارې مسؤل عبید الله وايي هڅه کوي د مخابراتي خدمتونو څخه پاتې ولسوالۍ منډول ته هم په نږدې راتلونکي کې مخابراتي خدمات ورسوي .
د نوموړي په وینا د نورستان د مرکز پارون مرکز اړوند په یو شمېر مخابراتي انتنونو کې چې په لوړو سیمو کې دي د واورو او یخ له امله ستونزې رامنځ ته شوې وې ، چې ورسره خدمات هم ټکني شوي وو.
د طالبانو له بيا واکمنيدو وروسته په نورستان کې د خدماتو د پراختيا خبرونه زيات شوي دي.