تاند:( دوشنبه، د جدي ۲۶) ټويټر ټولنيزې رسنۍ په دغه رسنۍ کې د افغانستان د پرزول شوي جمهوري نظام د لومړي مرستيال امرالله صالح اکونټ وتړه.
ټويټر کمپنۍ او خپله امرالله صالح د دې کار د دلیل په اړه څه نه دي ويلي.
د صالح منتقدین د دې پریکړې لامل د افغانستان د کرکټ ملي لوبډلې له لوبډلمشر محمد نبي سره د نوموړي وروستۍ ناندرۍ بولي.
صالح په وروستيو ورځو کې د اسټراليا د هغې پریکړې ملاتړ کړی و، چې ویلي یې وو له افغان کرکټ لوبډلې سره په افغانستان کې د طالبانو د واکمنۍ او د دوی له لوري د نجونو پر زده کړو د بنديز له امله لوبه نه کوي.
د امرالله صالح دغه دريځ د کرکټ ملي لوبډلې د لوبډلمشر محمد نبي په ګډون د افغانانو له پراخو منفي غبرګونونو سره مخ شوی و.
د امرالله صالح ځینې پلویان بیا د هغه د ټویټر اکونټ د بندیدو پریکړه د امريکا د بهرنيو چارو پخواني وزير مایک پمپیو سره د طالبانو د بیرته واک ته رسېدو په اړه ناندرۍ بولي.
امرالله صالح نره خبره کړې ده او پمپيو هسې اپلتې ويلي دي.
د کاونټ تړل يې ښايي چې همدغه وجه وي او دا به بې انصافي وي.