تاند- په جنوبي کوریا کې د ارګس (Arges) په نوم د نابینایانو لپاره ځانګړې عینکې جوړې شوې.
دا عینکې د هغې نابینايي لپاره اختراع شوي چې د انسان د عمر له ډیروالي سره تړاو لري.
د جنوبي کوریا د سیلي کو (Cellico) سټارټ اپ له لوري دا جوړې شوې عینکې به د الیکترونکي وسایلو په سي اي ایس نندارتون کې په روانه جنورۍ میاشت کې نندارې ته وړاندې شی.
دا ګجیټ یوه کوچینۍ (K4) کامره ده او له هر څه څخه چې د دغو عینکو د کاروونکي مخته وي، ویدیويي تصویر اخلي.
د کامرې په وسیله په ژوندۍ بڼه ثبت کېدونکې ویدیو، په یوه سکرین کې، چې روزولوشن یا روڼوالی یې ۱۰۸۰ پیکسله دی، ښودل کېږي.
که لا دقیق ووایو دا ویدیو د لیدونکي د سکرین په یوه اړخ کې په دایروي ډول ښودل کېږي.
له عینکې سره د وصل شوي موبایل اپلیکېشن د سترګې د نظر هغه برخه معلوموي چې زیانمنه شوې او پر دې سربېره دا هم معلوموي چې ویدیو کامره د سکرین په کومه برخه کې ښودل کېږي.
د دې ترڅنګ کاروونکي کامرې ته په خوله ویلی شي چې پر ویدیو زوم وکړي. (رانژدې یې کړي)
د دې ګجیټ بله ځانګړتیا پر لینز یو (PDLC) پوښ دی چې په الیکترونیکي ډول ډېر روښانه تصویرونه تتوي.
د دې عینکې وزن ۹۴ ګرامه دی.