تاند(شنبه، د د جدي ۳ مه) له یوې اوږدې مودې وروسته د کابل په اسمان کې بې پېلوټه الوتکې او همداراز نورې مشکوکې الوتکې لیدل شوي دي.
د کابل د احمدشاه بابا مېنې اوسیدونکي وايي چې پرون یې د ښار په دې برخه کې بې پېلوټه الوتکې لیدلي چې لږترلږه دوه ساعته د الوت په حال کې وې.
ځینو نورو ادعا کړې چې بي ۵۲ الوتکې یې هم په داسې حال کې لیدلي چې له شا یې د ورېځو په شان سپینو لوګیو کرښې جوړولې.
دې ډول الوتکو په ۲۰۰۱ م کال د طالبانو د حکومت په پرزولو کې مهم رول درلود.
طالبانو په دې اړه تراوسه څه نه دي ویلي خو دوی تر دې پخوا هم د کابل په اسمان کې د بې پېلوټه الوتکو په اړه څه نه دي ویلي چې د کوم هیواد دي.
خپلواکو سرچینو هم په دې اړه تبصره نه ده کړې چې دا الوتکې به د کوم هیواد وي.
د سږ کال په دوبي کې امریکا تایید کړه چې بې پېلوټه الوتکو یې د کابل په شیرپور مېنه کې د القاعده شبکې مشر ایمن الظواهري وژلی دی خو پرون القاعده شبکې یوه ویدیو خپره کړه او ادعا یې وکړه چې ظواهري نه دی وژل شوی.
خدای د وکړي چې دغه مذهبي لېونیان په درونو مردار کړي
د تیمورشاه دُرانی را وروسته تر نن ورځی پوری د ” کابل ” فضاء او مځکه او ارګ د ” مشکوک ” حالت سره مخامخ ؤ او مخامخ دی ( وولس حق لری چی هر څه ته د شک په سترګه وګوری ).