تاند:( یکشنبه، د قوس اووه ويشتمه) د پروان ولايت اړوند ډ افغانستان په جنوبي سالنګ کې تېر ماښام د سون توکيو یوه ټانکر اور اخيستی.
د طالبانو د ادارې د فواید عامې وزارت ویاند حمیدالله مصباح وايي، چې دا پېښه د تخنيکي ستونزې له امله رامنځته شوې، چې تر اوسه یو تن پکې وژل شوی او ۳۴ نور ټپيان دي.
مصباح زیاتوي:«ردا چې تونل دی، گړز، غبار او دود زيات دی؛ خو بيا هم له جنوبي اړخه د سالنګونو د ساتنې او څارنې رياست پرسونل د پېښې ځای تهرسېدگي کړې او په عين حال کې له پروان او بغلان ولايتونو څخه د مرستې ټيمونو حرکت کړی، او لازم اقدامات او چمتوالی نیول شوی دی.»
سرچینې وايي، چې د يادې پېښې له امله د سالنګ لاره هم تړل شوې ده.