تاند:( سې شنبه، د قوس دوه ويشتمه) د پکتيا په مرکز ګردېز کې د کتابونو او قرطاسیو پلورلو نوی مارکېټ پرانیستل شو.
د ګردېز ښاروالۍ په یوه اعلامیه کې راغلي،چې دغه مارکېټ د دوی په هڅو د دویمې ناحیې اړوند د کابل لین سړک په اوږدو کې پرانيستل شوی.
ويل شوي، چې په دی مارکېټ کې کتاب پلورونکو ته په مناسبه بيه دوکانونه ورکړل شوي.
سرچینې د دغه مارکېټ په اړه نور جزییات نه دي ورکړي.
دا په داسې حال کې ده، چې په وروستيو کې د اقتصادي او بشري ناورين له امله په افغانستان کې د کتابونو بازار ته سخت تاوان اوښتی او پلورونکي يې سختو ستونزو سره د مخ کيدو شکايت لري.